Дзяржаўная ўстанова "Дзяржаўная інспекцыя па маламерных суднах"

Указам Прэзідэнта Рэспублікі Беларусь ад 25 ліпеня 2013 года № 332 "Аб асобных пытаннях функцыянавання Дзяржаўнай інспекцыі па маламерных суднах і ўнясенні дапаўненняў і змяненняў у некаторыя ўказы Прэзідэнта Рэспублікі Беларусь" Дзяржаўная інспекцыя па маламерных суднах ператворана ў дзяржаўную ўстанову "Дзяржаўная інспекцыя па маламерных суднах" і падпарадкаваная Міністэрству па надзвычайных сітуацыях Рэспублікі Беларусь. 

Асноўнымі задачамі ДІМС з'яўляюцца:

• ажыццяўленне кантролю за бяспекай суднаходства маламерных суднаў на ўнутраных водных шляхах Рэспублікі Беларусь, а таксама за эксплуатацыяй гэтых суднаў і баз (збудаванняў) для іх стаянак на ўнутраных водных шляхах Рэспублікі Беларусь; 
  
• ажыццяўленне дзяржаўнай рэгістрацыі і класіфікацыі, тэхнічнага агляду маламерных суднаў, за выключэннем вяслярных лодак, байдарак і надзіманых суднаў грузападымальнасцю менш 225 кілаграмаў; 
  
• арганізацыя навучання і праверкі ведаў грамадзянамі правілаў кіравання маторнымі маламернымі суднамі, магутнасць рухавіка якіх перавышае 3,7 кілаваты (5 конскіх сіл), ажыццяўленне выдачы ім пасведчанняў на права кіравання такімі суднамі;
• удзел у рэалізацыі мерапрыемстваў па папярэджанні і ліквідацыі надзвычайных сітуацый прыроднага і тэхнагеннага характару на водных аб'ектах, а таксама ў пошуку і ратаванні людзей на водных аб'ектах.

ДІМС у адпаведнасці з заканадаўствам і ўскладзенымі на яго задачамі выконвае наступныя функцыі:

ажыццяўляе:

• адміністрацыйныя працэдуры;
  
• навучанне і праверку ведаў грамадзянамі правілаў кіравання маторнымі маламернымі суднамі, магутнасць рухавіка якіх перавышае 3,7 кілават (5 конскіх сіл), а таксама прагулачнымі суднамі;
  
• абследаванне маламерных суднаў на прадмет адпаведнасці іх тэхнічнага стану, абсталявання і афармлення патрабаванням заканадаўства;
  
• абследаванне тэхнічнага стану баз (збудаванняў) для стаянак маламерных суднаў на ўнутраных водных шляхах Рэспублікі Беларусь;
  
• расследаванне транспартных аварыйных выпадкаў з удзелам маламерных суднаў;
  
• вывучэнне і аналіз прычын транспартных аварыйных выпадкаў з удзелам маламерных суднаў, няшчасных выпадкаў з удзелам людзей на водах, распрацоўвае мерапрыемствы па іх папярэджанні;
  
• ідэалагічную працу і забяспечвае эфектыўную кадравую палітыку;
  
•  аказанне ў парадку, устаноўленым заканадаўствам Рэспублікі Беларусь, платных паслуг.